
აკა და წერტილა
მოკლემეტრაჟიანი სერიებისგან შემდგარი კომედიური, სათავგადასავლო სერიალი. აკა და წერტილა არიან და-ძმა, რომლებიც მუდამ ჩხუბობენ. პატარა წერტილა ყოველთვის ახერხებს უფროსი ძმა გააღიზიანოს. მას მუდამ სურს აკასთან ერთად ყოფნა და დროის ტარება, თუმცა უფროს ძმას მისთვის არ სცალია, აკას ურჩევნია მარტო ან თავის მეგობრებთან ერთად გაერთოს. წერტილა ყოველთვის იქ არის, სადაც აკა არ მოელის, რაც ამბავს სასაცილოს და საინტერესოს ხდის. თუმცა სერიების ბოლოს და-ძმა მაინც რიგდებიან, იმ იმედით რომ აღარ იჩხუბებენ. სერიალში შემოდის აგრეთვე, არაერთი საინტერესო პერსონაჟი. ყოველი სერია განსხვავდება თავისი ისტორიებით.





